8 حاجات لو عملتها هتكون بتقضي على مشوارك في التداول قبل ما تبدأ

8 حاجات لو عملتها هتكون بتقضي على مشوارك في التداول قبل ما تبدأ

- أول حاجة ودي معظم المتداولين الجدد بيقعوا فيها وهي انك متكونش عارف الاتجاه العام للسوق. معظم المتداولين الجداد بيدخلوا يشوفوا التريند دلوقتي ماشي ازاي وبيبدأ في أنه يتداول على أساسه، وناسي خالص يشوف السوق ماشي ازاي قبل كدة.

- برضه انك متتقبلش الخسارة دي مشكلة كبيرة جدا وعواقبها بتكون في منتهى الخطورة على مشوارك في التداول، لانك لما مش بتتقبل الخسارة انت بتحاول أكتر مع السوق اللي ممكن ميكونش في أحسن أحواله فبتزود خسارتك.

- من الحاجات اللي ممكن تخليك تداول في الاتجاه الغلط هو انك متكونش فاهم الاخبار الاقتصادية بشكل صحيح، أو ميكونش عندك مصدر موثوق للأخبار المؤكدة. فحاول انك تكون دايما مطلع على الاجندة الاقتصادية وتعرف تفرق بين الخبر والإشاعاة.

- عيب كبير بيقع فيه المتداولين بشكل عام، انهم بيستخدموا فلوس هم محتاجينها في حياتهم اليومية. انت كمتداول عاوز تحقق ربح فأنت محتاج تستثمر في الفائض من رأس مالك بعد ما تكون ضمنت احتياجاتك اليومية. مينفعش تقطع من فلوسك الأساسية عشان تعمل أرباح انت كدة معملتش حاجة. لكن لما تأخد من فائض رأس مالك انت كدة بتبني ثروة للمستقبل.

- انك متلتزمش بنقطة وقف الخسارة أو الربح، وانت بتحط خطة التداول المفروض انك بتكون حاطط لنفسك حد للتداول أو نقطة وقوف يومية. الحد ده لو عديته انت كدة بتزود في خسايرك في حالة الخسارة وممكن جداً تخسر كل اللي كسبته في صفقة أو صفقتين خسارة وده في حالة انك كنت كسبان قبل كدة.

- انك تخاطر بحجم تداولك، يعني انت بتداول بقد ايه من رأس مالك في الصفقة الواحدة. مينفعش مثلا انك تعمل ايداع في الأول ب 50 أو 100 دولار مثلا وتقوم فاتح صفقة بالمبلغ كله، كدة الصفقة لو خسرت انت خسرت رأس مالك كله من أول صفقة. علشان كدة أنا دايماً بنصح اننا نتداول ب1 أو 2% من إجمالي رأس مالنا في الصفقة الواحدة، علشان لو حصل خسارة متكونش كبيرة أوي.

- أنك تشتت نفسك في كذا صفقة في نفس الوقت، الأفضل أن أنت تفتح صفقة واحدة ولما تخلص تفتح واحدة تانية.

دي كلها حاجات لو متجنبنهاش أو عملتها هتنهي مشوارك في التداول قبل ما تبدأ. فخليك عارفهم كويس علشان تتفاداهم وانت بتداول، وتكون متداول ناجح ان شاء الله.

لو إنت لسة مش مسجل معايا سجل من اللينك ده أبدا تداول