حاجات مش هيقولها المتداولين المحترفين

حاجات مش هيقولها المتداولين المحترفين

في أول مشوارك في التداول أنت بتتفرج كتير على متداولين انت بتكون شايفهم مميزين وناجحين علشان تتعلم منهم، بس هو انت بتقول عن الشخص اللي انت بتتفرج عليه ده ناجح بناءاً على ايه؟

خليني أقول لكم على كام حاجة كدة المتداول الناجح مش بيقولها:

أنا عمري ما خسرت صفقة. ده اللي هو ازاي يعني؟ ده السؤال اللي لازم انت تسأله لو حد قال كده، علشان انت لازم تكون عارف ومتأكد ان التداول ده زي ما بقول دايمأ زيه زي أي بزينس تاني في مكسب ونسبة من الخسارة. فكدا كدا الخسارة موجودة لكن احنا كمتداولين محترفين بنعمل خطط واستراتيجيات علشان نقلل على قدر المستطاع الخسارة ونزود في المكسب.

إدارة رأس المال مش مهمة: انك تقرر حجم المخاطرة قبل ما تدخل الصفقة ده شيء في منتهى الحكمة والضرورية، لان غير كده انت بتنهي مشوارك في التداول.

أنا مش بغلط، المتداول الناجح مش بيصمم على الاختيار الغلط. يعني مثلا تلاقي المتداول فتح صفقة مدتها كام دقيقة وهو بيراقب السهم يلاقي نفسه غلط والسهم ماشي عكس اختياره. فيقوم صاحبنا عامل ايه بقى، بدل ما يقول اه انا غلط ويقفل الصفقة مثلا لأ ده يسبها تخسر ويدخل نفس الصفقة تاني علشان يثبت لنفسه انه صح. هو كدة بيعاند نفسه وبيخسر أكتر.

أنا كل مرة بدخل جلسة تداول بكون متأكد 100% من اتجاه السوق، وده طبعا مش حقيقي. مهما كان الفترة اللي قضيتها في التداول مش ممكن تكون متأكد من اتجاه السوق، لأن من طباع السوق أنه بيكون متغير ومتقلب. أكبر نسبة ممكن عارف بها اتجاه السوق هي من 70-80% ده لو مفيش عوامل خارجية مؤثرة على السوق.

أنا عندي طريقة تعامل مع السوق بتنفع في أي ظروف. خلينا متفقين ان مافيش طريقة أو استراتيجية واحدة تنفع تستعملها طول الوقت ومهما كانت الظروف. يعني مثلا لما السوق يكون متقلب انت بتستخدم استراتيجيات فيها دراسة للسوق أكتر وفيها حذر أكتر علشان ميحصلش خساير. إنما السوق لما يكون مستقر إلى حد ما انت بتستخدم استراتيجيات تزود بها من أرباحك.

دي شوية حاجات المتداولين المحترفين مش بقولها، فلما تسمع الحاجات دي خليك متأكد ان الشخص مش محترف ومش فاهم خطورة تأثير اللي بيقوله ده إيه.

لو إنت لسة مش مسجل معايا سجل من اللينك ده أبدا تداول