ازاي نتعامل مع العقبات النفسية

ازاي نتعامل مع العقبات النفسية

زي ما في مميزات بتبين المتداول الناجح، في عيوب بتبين المتداول اللي بيخسر من أهمها: الإنكار. انك تنكر انك بتخسر أو أن بعض قراراتك وتحليلات غلط ده مش هيوصلك غير لخساير زيادة، وعلشان تتخلص من الانكار وتلحق نفسك من حفرة الخساير انت محتاج تعترف وتتقبل اخطائك. ومن الطرق المعروف والسريعة اللي الناس بتكون متوقعة ان فيها حل للي حصل من خساير في الجلسة دي، هو الهروب السريع. بمعنى انك تكون قاعد في جلسة تداول وأول ما تلاقي إن تحليلاتك فيها حاجة غلط وبتخسر، بتقوم قافل جهازك أو شاشة التداول ومتفكرش ولا تعمل حاجة لتاني يوم (لحد ميعاد جلسة التداول اللي جاية).

الخوف من الاعتراف بالخطأ

د. توماس جيلوفتش بيقول ان اللي اوحش من انك تخسر، هو انك تكون مضطر تقول انك خسران.

انك تنجح في حاجة بتعملها ده بيديك أحساس بالتقدير وحتى لو من نفسك بس والاعتزاز بنفسك، فتخيل بقى لما تكون ناجح كمان في التداول. أنت كدة مش بتكون شاطر في انك تحقق أرباح وبس لا ده انت كمان بتكون شاطر فإنك تقدر تحدد الاتجاهات الجاية للسوق. بس خلي بالك أحساس النجاح حلو بس متوصلش للغرور، لأنك لو اتغيرت هيكون صعب عليك (أو على النفس البشرية بالعموم) أنك تصدق أنك ممكن تغلط في تحليل، وده شيء عادي وبيحصل لكل الناس وده ممكن يدخلك في دوامة الإنكار والعناد.

من الغلطات اللي بيعملها المتداولين علشان بيخافوا انهم يعترفوا بغلطاتهم:

بيغيروا مكان وقف الخسارة كل ما السهم قرب له.
بيشيلوا نقطة وقف الخسارة خالص وبيتداولوا من غيره.
بيفضلوا سايبين الصفقة مفتوحة حتى لو ظهرت اشارة قوية ان هيحصل انعكاس في السعر.

تسجيل الأخطاء والمشاعر

علشان متقعش في نفس الغلطات تاني انت محتاج أولاً تعترف بهم وبعد كدا محتاج تسجلهم، تسجيل الغلطات مفيد لكذا سبب. أول حاجة انت لما بتسجل الغلطة انت مش بس بتعترف بها انت بتأكد لنفسك انها كانت غلطة وان السوق مجاش عليك ولا حاجة من الكلام اللي بعض الناس ممكن تقوله لنفسها. تاني حاجة الغلطة لما تكون مكتوبة قصادك انت كدا بتحطها في النقط اللي لازم تتجنبها وانت بتداول، فبالتالي مش هتقع فيها تاني.

مهم جداً برضه انك تسجل مشاعرك قبل، في وقت، وبعد جلسة التداول علشان تقدر تتعرف عليهم وتحدد ردة فعلك على كل واحدة فيهم. بعد ما تتعود على انك تسجل مشاعرك هتلاقي ان في خناقة بين عقلك الباطن وعقلك الواعي، وده هيخليك حريص زيادة عن اللزوم في انت تاخد قرارات سريعة، لا وده ممكن يعطلعك انك تاخد قرارات أصلاً. فبيكون أفضل حاجة تتعمل انك تقفل جلسة التداول وتبعد عن الشاشة وأخبار السوق، لحد ميعاد الجلسة اللي جاي. ومع الوقت كل ما هتسجل مشاعرك وتحددها كل ما هتعرف تتحكم فيها وتسيطر عليها، وتحولها من غضب/طمع أو خوف لرضا/سعادة وشجاعة.

انا عامل كورس كامل عن سيكولوجيا التداول وتقدر تشوف من هنا مشاهدة الكورس

لو إنت لسة مش مسجل معايا سجل من اللينك ده أبدا تداول