ظواهر نفسية

ظواهر نفسية

في ظواهر نفسية بيتعرض لها المتداولين في رحلتهم في التداول، واللي ممكن تكون عائق في نجاحهم أو تكون سبب في خسايرهم. هنتكلم عن كل ظاهرة منهم ونشوف ازاي ممكن نتجنبها.

الظاهرة الأولى وهي الخوف من ضياع الفرص أو Fear of Missing Out اللي هي FOMO ودي ظاهرة نفسية بيتعرض لها كتير أوي من المتداولين، ودي بتحصل لما المتداول بيستعجل ويدي أمر صعود/هبوط أو شراء/بيع علشان بيخاف يفوته مركز مكسب. وده عادتاً بيحصل لما المتداول بيدرس سهم على اطار وقت حركة السعر فيه بيكون متقلب جامد. والحل هنا اننا دايمة نكون على الاطار الكبير مش الصغير.

الظاهرة التانية نقطة القفز من السفينة Jump Ship ، لازم تكون عارف ان السوق بيلعب بالمتداول بين نقطتين في مشاعره عكس بعض. الأولى لما بيكون واثق في نفسه بزيادة والنقطة التانية لما الإحباط يتملكه. طيب الJump Ship دي بتكون عاملة زي واحد أخد نفس عميق وعمال يغوص أكتر لقاع البحر وكل ما يغوص أكتر كل ما الضغط عليه يكتر، فبيجي عند نقطة معينة مش بيقدر يستحمل أكتر وبينط من السفينة. والحل انك تحط شروط أو خطة للدخول اذا اتوفرت ادخل لو متوفرتش خليك في المضمون ومتدخلش.

الظاهرة التالتة وهي التداول المفرط اللي هو بيحصل لما بتعمل أرباح عشوائية، يعني تقعد فترة بتعمل أرباح من صفقات غير مدروسة ومن غير استراتيجية. فبتلاقي الموضوع سهل وبسيط فبتكمل فيه. أول حاجة ممكن توقعك في الإفراط في التداول هي انك ميكونش عندك خطة فيها شروط لدخول الصفقات أو شروط لوقف التداول. أما تاني حاجة وهي لما بتعلي المخاطرة في الصفقة وتطلع بمكسب. فالحل هنا بيكون انك تعمل خطة الخسائر أو كوارث زي ما البعض بيقول وبيكون فيها: وقت محدد لتداول اليومي، حد للخسارة وحد للمكسب.

ومن النصايح المهمة اللي بحب اقولها دايماً للمتداولين سواء كانوا مبتدئين أو محترفين انهم دايماً يكتبوا غلطاتهم ويعرفوا هم غلطوها ازاي، ولازم يدوروا على حلول لها علشان ميقعوش فيها تاني. ودايماً تقرأوا وتتعلموا علشان تطوروا من نفسكو، التقدم في معرفة التداول ده اللي هيضمن لكم النجاح الدايم.

لو إنت لسة مش مسجل معايا سجل من اللينك ده أبدا تداول