علاقة الدولار بالدهب

علاقة الدولار بالدهب

في بداية مشوار أي متداول أو مستثمر في سؤال مهم جداً بيتسأل، اللي هو أيه علاقة عملة زي الدولار بمعدن زي الدهب؟

من أهم المعلومات اللي لازم نكون عرفينها عن الدهب كمعدن أنه واحد من أقدم الطرق اللي الناس كانت بتستعملها لتبادل التجاري. وزي ما الفيلسوف القدير أرسطو كتب: "أن النقود لابد من أن تكون مستدامة وقابلة للقسمة ومتلائمة مع الظروف ولها قيمة حقيقية لمكوناتها:

وكمان الدهب بيلعب دورين مهمين في السوق سواء بقيمته كمعدن أو قيمته كعملة، واللي اتنين الدولار مرتبط بهم. ده غير ان عبر التاريخ الدهب بيكون أكبر جايزة الناس بتحصل عليها كمكافأة لإنجازات كتير بتحقق زي الرياضة، التفوق الدراسي وغيرها كتير.

وبداية لاجابة السؤال حكومات كتير من حول العالم بتحتفظ بالدهب كاحتياطي من العملات الاجنبية، لان على مر التاريخ في حكومات بتستخدم الدهب لدعم عملتها، وده اللي خلى معيار الدهب لكل عملة ينتشر.

رغم ان الحكومات اللي بتحتفظ بكتير من الدهب مش بتستخدمه في انه يدعم عملاتها الورقية، وغالبا بيتم تسعير الدهب حسب الدولار الأمريكي ومن هنا تيجي العلاقة اللي بينهم. وبيكون في تأثير على سعر الدهب لما بيكون في صعود أو هبوط لسعر الدولار. كمان اللي بيدخل في سعر الدهب سعر الفايدة، التضخم، السياسة النقدية وطبعاً العرض والطلب.

العلاقة بين الدهب والدولار الأميركي مش دايماً بتكون ثابتة، يعني ساعات يطلعوا أو ينزلوا في السعر مع بعض وسعات عكس بعض. ودي حاجة بتعتمد على سلوك ومشاعر المستثمرين مع العوامل الاقتصادية. بس في قاعدة عامة لعلاقتهم ببعض، لما قيمة الدولار بتعلى جامد قصاد العملات التانية سعر الدهب بيميل للهبوط. والعكس صحيح.

شوية معلومات عن علاقة الدولار بالدهب:

على مر التاريخ أمريكا عملت سك عملات معدنية بقيمة دولار بالدهب.
وأخر سك عملات بالدهب في أمريكا بانتظام كان في أواخر القرن الـ19.
العملات الدهب دي اللي فاضل منها لدلوقتي ممكن حد يدفع فيها 150 دولار دي لو في أسوء حالتها، لكن اللي بيحبوا يجمعوا العملات الذهبية القديمة ممكن يدفعوا أكتلر من كدا بكتير لو ملامح العملة لسة موجودة وواضحة.
العملات القديمة مش زي العملات اللي ابتديت تتعمل في أول القرن ال21، لأن العملات الجديدة لنها دهبي بس لكن مفيهاش من المعدن خالص.

في الواقع ان في علاقة طردية أو متوازية بين سعر الدهب والدولار، والأتنين بيأثروا في بعض جامد. فأنت كمتداول في أي سوق كان محتاج تحط تركيز جامد على سعرهم هم الأتنين.

لو إنت لسة مش مسجل معايا سجل من اللينك ده أبدا تداول