ربوتات التداول

ربوتات التداول

روبتات التداول أو زي ما ناس كتير بتقول عليها Expert Advisor هي بتكون برامج أو software متبرمج على إستراتيجية معينة، ولما لما بيلاقي في السوق بعض الصفقات اللي هو متبرمج عليها موجودة بيبدأ يفتح صفقات والمفروض يحقق أرباح. وده باختصار معنى روبوتات التداول، وعلشان هو شكله سهل وبسيط ومضمون ناس كتير بتحب تستخدمه لأنها بتكون فاكرة انهم كدا هيقدروا يحققوا ارباح من غير أي تدخل منهم. يعني فلوس على الجاهز.

بس أنا دايماً بقول بلاش الروبت في التداول علشان كذا سبب:

الروبوتات دي مش بتعتبر تداول أصلاً، والمنصات مش بتعترف به واى حد بيستعمل روبوت المنصة بتقفله حسابه وكل المنصات كده.

وعلشان هو متبرمج على نقط معينة أو معطيات معينة على أساسها بيفتح الصفقات فأي تغير في السوق مفاجئ مش هيعرف يتصرف وأنت اللي هتخسر.

وكمان مش هتعرف تسحب فلوسك لانه يعتبر تحايل.

وأهم حاجة في الأول وفي الأخر الربوت ده عبارة عن برنامج، يعني ممكن يجيله فيرس فيبدأ يهنج، يتأخر وممكن يبوظ خالص وهو بيتداول. فكدة خطره بقى أعلى من ميزاته بكتير. ده كدة أنت جبت لنفسك حاجة تخسرك رأس مالك مش تكسبك.

ده غير ان تكلفته عالية، علشان تشتري روبوت محترم متبرمج كويس ويكون مضمون بالنسبة لك انت هتحتاج مبلغ محترم علشان تشتريه. وكدا كدا انت بتدفع فلوسك في حاجة مش مضمونة 100 في 100 فليه تخاطر بفلوسك لما ممكن تتعلم وتدرب كويس وتحقق بأيدك ارباح.

الروبت ده هيحتاج تحديث كل شوية، ولو معملتش التحديثات في وقتها ده اكيد هيأثر على اداءه ورأس مالك.

:

دي كلها كانت عيوب للروبت واللي أنا دايماً دايماً بنصح اننا نبعد عنه، ونبذل مجهود أكبر في اننا نتعلم أساسيات التداول. وهتلاقوا كورس تعليمي كامل مجاناً على قناتي على اليوتيوب لتعليم المبتدئين: مشاهدة الكورس

لو إنت لسة مش مسجل معايا سجل من اللينك ده أبدا تداول