التحليل الفني

التحليل الفني

من الأدوات اللي لازم تكون معاك ودارسها كويس علشان تكون متداول ناجح وصفقاتك كسبانة، هي التحليل الفني. طيب هو ايه التحليل الفني ده هو باختصار انك بتشوف الاتجاه لسعر السهم في فترة فاتت وهو اتداول عليه قد ايه، علشان تقدر تحدد اتجاهه هيكون عامل ازاي بعد كدا كل ده باستخدام الرسومات بيانية (اتشارتات) بتربط تغير السعر بالوقت. بيتقال عن التحليل الفني انه فن أكتر من إنه علم.

وزي أي حاجة في الدنيا التحليل الفني له مميزات وله عيوب، وهنتكلم عن كل واحدة منهم. فهنبدأ دلوقتي بمميزات التحليل الفني:

1- انك تكون سابق بخطوة: علشان التركيز كله بيكون على محاولة تشكيل صورة للي هيحصل في الأسعار الفترة اللي جاية من خلال رصد الحركات في السعر اللي فاتت.
2- السهولة: وعلشان المعطيات اللي بنحتاجها في التحليل الفني بسيطة زي العرض والطلب + ردة فعل السعر، فده بيخلي التحليل الفني من أسهل طرق التحليل في التداول.
3- التوقيت: صحيح محللين كتير بيشوفوا ان التحليل الفني مش بيساعد في انك تختار السلع اللي هتداول عليها على أساس ان التحليل الأساسي للشركات بيكون أحسن، لكن في إجماع التحليل الفني بيدي الوقت المناسب: وقت + دخول.

أما بالنسبة لعيوب التحليل الفني:

1- شخصية المحلل: عملية التحليل الفني بتتأثر أكتر بتقيم ونظرة المحلل لسوق، الانطباعات المسبقة ممكن تدي قرايات غلط.
2- بما ان في عامل التوقع فأكيد القرايات المتخصصين بتختلف على الاتجاه رغم ان في قواعد لتحليل.
3- ساعات بيكون التحليل الفني متأخر شوية في التوقيت، لو في أخبار أو مكاسب حصلت قبل عند المحلل ممكن يأخد وقت أكتر شوية علشان يأخد القرار.

واحد من رواد التحليل الفني هو "جون ميرفي" واللي عمل ثروة أكتر من 78 مليون دولار من سوق الأسهم. ومن أهم القواعد اللي حطها:

- مقاييس التحليل الفني (حركة الأسواق تحسم كل شيء، التاريخ يعيد نفسه، السعر يتحرك في اتجاهات).
- تقييم الاتجاه على المدى الطويل علشان تساعدك لتقييم الاتجاه على المدى القصير.
- خليك دايماً مع الاتجاه العام.
- حدد رؤوس وديول الشموع الأول علشان تساعدك في الشراء في مستويات الدعم والبيع في مستويات المقاومة.
- حدد امتي هيكون الانعكاس لما تستخدم مؤشرات الزحمة اللي بتبين التشبع الشرائي والبيعي ومن خلال فيبوناتشي.
- دايماً استخدام المؤشرات الفنية علشان تساعدك في تحليل الأسواق.

انا عامل كورس كامل عن التحليل الفنى وتقدر تشوف من هنا مشاهدة الكورس